Të enjten mbrëma do të ketë mundësi të shihen të gjithë planetët në sistemin diellor.

Pesë prej tyre mund të jenë të dukshme me sy të lirë, ndërsa dy më të largëta, Urani dhe Neptuni, do të shihen më mirë me dylbi, shkruan BBC.

Koha më e mirë për të parë spektaklin është pak pas perëndimit të diellit.

Ata më në jug, duke përfshirë Evropën Jugore ose më afër ekuatorit, kanë më shumë gjasa të jenë në gjendje të shohin të gjithë planetët të shfaqen në një vijë vertikale lart në qiell.

Mërkuri do të jetë gjithashtu më i dukshëm në jug.

Ndryshe nga yjet, planetët nuk vezullojnë. Saturni dhe Jupiteri do të jenë më të shndritshëm, ndërsa Marsi do të jetë një ngjyrë e kuqe salmon.

“Marsi për momentin është në maksimumin e tij nga Britania e Madhe tani deri në vitin 2032. Do të kalojë shumë kohë përpara se ta shohim përsëri këtë, kështu që ia vlen t’i hedhim një sy tani”, thotë Robert Massey, i Shoqërisë Mbretërore Astronomike.

Massey këshillon vëzhguesit e qiellit që të përpiqen të gjejnë një pikë të qartë të favorshme për të parë drejt horizontit jugperëndimor menjëherë pas perëndimit të diellit.

Afërdita duhet të duket më e ndritshme, e ulët në jug-perëndim drejt horizontit.

Jupiteri është planeti tjetër më i ndritshëm dhe duhet të shfaqet më lart në qiell ku edhe Saturni duhet të jetë i dukshëm.

Kushdo që shikon përmes një teleskopi duhet të jetë në gjendje të shohë detaje si hënat e Jupiterit dhe ndoshta sistemet e reve ose shenjat e errëta në Jupiter dhe Mars, thotë Dr Massey.

Kujtojmë se në qershor Mërkuri, Venusi, Marsi, Jupiteri dhe Saturni ishin të dukshëm kur u rreshtuan në një lidhje të rrallë planetare.