Specializantët protestojnë nesër para Ministrisë së Shëndetësisë

Prishtinë | 26 Jan 2022 | 20:59 | Nga Ekonomia Online

Këshilli i Specializantëve do të mbajë protestë para Ministrisë së Shëndetësisë, të enjten më 27 janar nga ora 10:00.

Përfaqësues të Këshillit të Specializantëve thanë për Ekonomia Online se kanë vendosur të vahdojnë me protesta për shkak se MSh-ja nuk i ka plotësuar kërkesat të cilat kishte premtuar se do të realizoheshin deri në fund të këtij muaji.

“Madje ministri i ri, Latifi, as nuk denjon të na pranojë në takim”.

Para pak ditësh, MSH-ja ka propozuar sipas Këshillit të Specializantëve disa pika:

  1. Do të propozohet nga Ministria e Shëndetësisë mbajtja e 2 kujdestarive të cilat do të paguhen si të zakonshme (50 euro) edhe nëse mbahen gjatë vikendit.
  2. Kujdestaritë më shumë se 2 do të paguhen përmes një extra kontrate nga SHSKUK
  3. Çështja e specializantëve me vetëfinancim nuk do të zgjidhet së paku deri në gusht 2022. Për pak kohë do të fillon punën grupi punues për ndryshimin e udhëzimit administrativ.
  4. Ministri i Shëndetësisë për shkak të situatës me COVID19 nuk ka pasur kohë të takohet me neve.
  5. Për pagesën e specializantëve nga Mali i Zi, Maqedonia, Shqipëria është duke u punuar.

Të ngjashme