Në Spitalin Klinik të Tetovës janë pranuar 30 mjekë të rinj, të sapodiplomuar nga universitetet vendore dhe ata sot kanë filluar punën.
Sipas autoriteteve të spitalit, për gjashtë muajt e kaluar numri i mjekëve të pranuar ka shkuar në 60. Ata së shpejti duhet të shkojnë në specializim për reparte të ndryshme.
Drejtori Florin Besimi shpreson se ky numër i mjekëve të pranuar do të ndikojë në përmirësimin e kualitetit të shërbimit në Spitalin Klinik të Tetovës dhe do të ndikojë që mjekët e rinj që mbarojnë studimet të kërkojnë punësim brenda vendit.
Në drejtorinë e spitalit bëjnë të ditur se mjekët e posapranuar më herët kanë filluar procedurën e specializimit nëpër klinikat e Shkupit dhe do të sistemohen në degët e ndryshme për të cilat ka nevojë Spitali Klinik i Tetovës.