Anëtarët e Përfaqësueses së Brazilit do të fitojnë nga 860 mijë euro për kokë nëse fitojnë Kupën e Botës këtë verë.

Bonusi masiv do t’u jepet edhe seleksionuesit Tite dhe stafit të tij të trajnerëve, nëse Brazili fiton për herë të gjashtë titullin e botës, shkruan Koha Ditore.

Gazeta braziliane “Fola de Sao Paulo” raporton se këto para janë rezervuar nga Federata e Futbollit e Brazilit (CBF) dhe është shumë e përafërt me shpërblimin rreth 30 milionë funte (34.35 milionë euro) që do të marrë nga FIFA nëse fiton titullin.

Për Brazilin ka qenë prioritet të japë një stimulim të madh para se të niset për në Rusi, ku do të shikojë të përmirësojë gabimet e katër vjetëve më parë, kur u turpërua në gjysmëfinale në Botërorin në shtëpi nga Gjermania.