Lionel Messi ka befasuar një gazetar argjentinas pasi i ka treguar se kishte mbajtur në këmbë një hajmali që ia kishte dhënë nëna e gazetarit.

Pas fitores dramatike me rezultat 2 me 1 ndaj Nigerisë, gazetari e pyeti nëse i kujtohej që nëna ia kishte dhënë hajmalinë, por veprimi i Messit e ka shtangur gazetarin.

“Nuk e di a të kujtohet por nëna ime të ka dhënë një hajmali. Nuk e di nëse e ke hedhur…”, e pyeti gazetari Messin.

“Shiko këtë”, ia ktheu Messi që zbuloi këmbën e majtë për t’i treguar se hajmalinë e mbante në këpucë.