Ish-lojtari i të rinjve të Manchester Cityt, Jeremy Wisten, raportohet se ka vdekur gjatë dielës.

Akoma nuk dihen të dhënat zyrtare ndërsa dyshimet e para thonë se 17-vjeçari ka kryer vetëvrasje. Lidhur me vdekjen e tij ka reaguar edhe skuadra e Manchester Cityt, ku i ka shprehur ngushëllime familjes.

“Ne u shprehim ngushëllimet më të thella miqve dhe familjes së tij. Jemi me ju në këto kohë të vështira”, thuhet në telegramin e klubit anglez.

Skysports shkruan se Wisten ishte qendërmbrojtës, i lindur në Malavi, ndërsa ishte bashkuar me skuadrën e nivelit U13, gjatë vitit 2016.

Për vdekjen e Wistenit kanë reaguar edhe bashkëlojtarët e tij përmes Tëitter, duke i shprehur ngushëllime familjes.