Ministri i Zhvillimit Ekonomik, Blerand Stavileci, ka zhvilluar një takim pune me ambasadorë dhe përfaqësues të ambasadave të akredituara në Prishtinë si dhe përfaqësues të Zyrës së BE-së, me ç’rast ka prezantuar orientimet strategjike të Ministrisë që drejton dhe projektet më të rëndësishme, duke falënderuar ata për mbështetjen e vazhdueshme për Kosovën.

Stavileci njoftoi diplomatët në fjalë me fazat e zhvillimit të projektit të Termocentralit ‘Kosova e Re’, nismat për stimulimin e zhvillimit të Burimeve të Ripërtrishme të Energjisë, rritjen e Efiçiencës së Energjisë dhe bashkëpunimin rajonal dhe më gjerë në fushën e energjisë, që është në harmoni me kërkesat e Bashkimit Evropian.

Nga ana e tyre, përfaqësuesit e ambasadave kanë konfirmuar mbështetjen e tyre për zhvillimin ekonomik të Kosovës, konform standardeve evropiane.