Studentët Fakultetit Ekonomit të Kolegjit AAB kanë mësuar për mënyrën e funksionimit të tregut të letrave me vlerë në Kosovë, raporton Ekonomia Online.

Shkendije Nahi nga Departamenti i Menaxhimit të Mjeteve në Bankën Qendrore të Republikës së Kosovës (BQK), ka prezantuar para studentëve në kuadër të “Javës Ndërkombëtare të Parasë”, mënyrën e organizimit dhe mbajtjes së ankandeve të letrave me vlerë dhe rolin e BQK-së në këtë proces.

“Sipas Rregullores për Tregun Primar dhe Sekondar të Letrave me Vlerë të Qeverisë, instrumentet e borxhit në tregun e Letrave me Vlerë janë: Bonot e Thesarit – Instrumente afatshkurtëra, Obligacionet – Instrumente afatgjata, Operacionet e tregut Sekondar (Tregtimi, Repo-t)”.

“Dy operacionet kryesore Repo janë: Repo me BQK (“Vertikale”) dhe Repo në mes bankave (Akterëve Primar) (“Horizontale”)”, ka deklaruar Nahi në këtë ligjëratë.

“Burim shtesë dhe i rëndësishëm për mobilizimin e mjeteve financiare janë edhe mundësitë për investime në instrumente likuide, Investime të sigurta. Rritja e likuiditetit në tregun monetar. Rritja e konkurrencës dhe Bazë për zhvillimin e Tregut të Kapitalit”.

Studentët kanë marrë informata se cilat institucione financiare janë pjesëmarrëse ne Tregun Primar të Letrave me Vlerë dhe në Tregun Sekondar të Letrave me Vlerë.

Pastaj kanë marrë informatat për Instrumentet në Tregun e Letrave me Vlerë, Rëndësia e zhvillimit të Tregut të Letrave me Vlerë, Ligjet, rregulloret dhe marrëveshjet e riblerjes, si dhe Kalendarin e letrave me vlerë.

Nga ana tjetër, profesoresha e lëndës Institucionet Ndërkombëtare Financiare, Florije Miftari ka thënë se organizimi i ligjëratave nga BQK-ja për studentët e drejtimi të ekonomisë do të ketë një ndikim të mirë në mësimënxënie, raporton Ekonomia Online.

Studentët e pranishëm kanë parashtruar pyetje të ndryshme rreth mënyrës së funksionimi të tregut të letrave me vlerë.

Që nga e hënë kur edhe ka filluar “Java e Parasë”, BQK-ja ka organizuar debate e ligjërata me profesionistë të fushë, studentë e nxënës në disa qytetet të vendit.