Duke folur në panelet dedikuar për sigurinë dhe sundimin e ligjit të edicionit të 13-të të Forumit Strategjik të Bledit, Sekretari i Përgjithshëm i Këshillit të Bashkëpunimit Rajonal (RCC), Goran Svilanoviç, theksoi lidhjet e këtyre dy temave dhe performancën ekonomike .

“Janë tronditëse të dhënat e paraqitura në anketën e RCC për Ballkanin për vitin 2018, që tregon se 79% e qytetarëve të rajonit mendojnë se ligji nuk zbatohet në mënyrë të barabartë për të gjithë dhe madje 70% nuk kanë besim në institucionet e tyre, të kombinuara me perceptimin e një të tretës që mendojnë se korrupsioni është problemi kryesor në ekonominë e tyre. Për të ndryshuar këtë, ne duhet të punojmë pa pushim, për të përmirësuar veten “, tha Svilanoviç duke shtuar se shoqëritë tona duhet të shohin një zbatim efektiv dhe një histori të qëndrueshme në luftën kundër korrupsionit, krimit të organizuar, pastrimit të parave, ndërtimit të institucioneve të forta dhe të pavarura, që do të kishte efekte të rëndësishme pozitive në mirëqenien e qytetarëve.

“Prandaj, RCC së bashku me partnerët tanë në rajon do të vazhdojnë misionin e saj në rilidhjen e rajonit me BE, me investime të mençura në ekonomitë e larta me vlerë të shtuar dhe heqjen e pengesave në faza të ndryshme të jetës ekonomike. Po aq e rëndësishme është forcimi i sundimit të ligjit, llogaridhënies dhe transparencës, mbështetur nga një mjedis i sigurt dhe i qëndrueshëm “, ka shtuar ai, transmeton Insajderi.

Svilanoviç gjithashtu preku numrin gjithnjë e më të madh të kërcënimeve dhe incidenteve kibernetike, si Konferenca e 8-të e Autoriteteve të Sigurisë Kombëtare të Evropës Juglindore (SEENSA), bashkëorganizuar nga Këshilli i Bashkëpunimit Rajonal (RCC) dhe Zyra e Qeverisë së Sllovenisë për Mbrojtjen e Informacionit të Klasifikuar që, po zhvillohet pas Forumit Strategjik të Bledit.

Ai paraqiti gjetjet paraprake të një studimi mbi sigurinë kibernetike të porositur nga RCC, i cili duhet të finalizohet në fund të shtatorit, duke treguar se shumë nga agjencitë kyçe në këtë fushë pengohen nga mungesa e një stafi, të mjaftueshëm financiar dhe të teknologjisë ndërsa një shqetësim kyç në të gjitha ekonomitë lidhet me ‘ikjen e trurit’, pasi të gjitha ekonomitë e BB-së raportuan norma të larta të migrimit në BE në lidhje me profesionistët e TIK.