Shefi i Grupit Parlamentar të PDK-së, Abelard Tahiri ka thënë se nuk do të lejojnë të kalojë një ligj i tillë dhe kërkoi qetësi nga protestuesit, raporton Ekonomia Online.

“Sot kjo Qeveri e turpit po tenton ta kalojë projektligjin për pagat minimale që diskriminon kategorinë që e mundësoi lirinë e Kosovës”, ka thënë ai.

Ndërsa ushtruesi i detyrës së kryetarit të OVL-së së UÇK-së, Faton Klinaku tha se ky projektligj nuk duhet të miratohet sepse ata duhet të jetojnë me dinjitet.

“Ky ligj nuk duhet të miratohet sepse veteranët e UÇK-së duhet të jetojnë me dinjitet… Ne kërkojmë që të rritet paga minimale për punëtorët por veteranët nuk duam të preken sepse edhe veterani ka familje”, ka thënë Klinaku.