Universiteti i Gentit në Belgjikë ka filluar një kurs të ri letërsie kushtuar Taylor Swift. Këtë vjeshtë, “Literature: Versioni i Taylor” do të jetë në dispozicion të studentëve, kuruar nga profesoresha asistente Elly McCausland.

“Duke përdorur veprën e Swift-it si një trampolinë, ne do të eksplorojmë, ndër tema të tjera, feminizmin letrar, ekokriticizmin, studimet e fansave dhe trope të tilla si antiheroi. Popullariteti i qëndrueshëm i Swift-it buron, të paktën pjesërisht, nga aspekti shumë ndërtekstual i punës së saj dhe ky kurs do të gërmojë më thellë për të eksploruar rrënjët e tij letrare,” shpjegon McCausland.

Regjistrimi është i hapur për të gjithë, përfshirë ata që nuk e konsiderojnë veten fansa të Taylor Swift (ose mund të mos e kenë hasur kurrë muzikën e saj). Qëllimi i kursit është të mendojë në mënyrë kritike për Swift-in si artiste dhe shkrimtare dhe të përdorë popullaritetin e muzikës së saj si një rrugë për të hyrë në një korpus të letërsisë që mund të ketë formësuar punën e saj.

McCausland është diplomuar në Universitetin e Oksfordit, përkatësisht në Letërsi Angleze dhe Letërsi Mesjetare Angleze, dhe gjithashtu mori një doktoraturë nga Universiteti i York-ut në Mbretërinë e Bashkuar.