Një aksion i Njësive Speciale të Policisë dje në lagjen Kalabria të Prishtinës ka rezultuar me arrestimin e katër personave. Tre prej tyre kanë qenë të huaj, kurse një kosovar. Kjo është konfirmuar mbrëmë edhe nga zëdhënësi i Policisë së Kosovës, Daut Hoxha.

“Aksioni ka rezultuar me ndalimin e katër personave të dyshuar, tre shtetas të huaj dhe një kosovar. Veprimet e mëtejshme janë në process nga autoritetet për kompletim”, tha Hoxha.

Prej katër të arrestuarve, dy kanë qenë nga Mali i Zi shkruan Vijesti.me.

Gazeta e njohur malazeze ka zbuluar se të arrestuar janë Mari Milosheviq dhe Gjorgje Paviçeviq.

Mario Millosheviq ishte i arrestuar për një vrasje në Cetinje të Malit të Zi.

Kurse Gjorgje Paviçeviq ishte i akuzuar për veprën penale rrëmbim dhe zhvatje, në një rast që kishte ndodhur në vitin 2015 në Kotor. I njëjti kishte ikur nga spitali ku po e vuante dënimin

Një dëshmitar i gazetës malazeze Vijesti ka thënë se në banesën e të dyshuarve është gjetur armë dhe drogë.

“Gjatë arrestimit M.M ishte i arrestuar ndërsa u gjetën armë dhe drogë”, ka thënë një burim.

Dyshohet se Mario Millosheviq kishte kryer edhe vrasje të tjera në Mal të Zi si pasojë e një konflikti mes grupeve të armatosura, të cilat vazhdojnë të jenë objekt hetimi nga Policia e Malit të Zi.

Përpos vrasësve me pagesë, ka arrestuar edhe pjesëtarë të BIA-s serbe.

Disa nga të arrestuarit janë të kërkuar nga INTERPOL-i.

Në operacionin e mbrëmshëm janë arrestuar edhe një shtetas i Kosovës dhe një i Serbisë.

“Në aksionin në lagjen “Kalabria” të Prishtinës, përveç vrasësve me pagesë, janë arrestuar edhe pjesëtarë të shërbimit sekret serb – BIA-s”

Ndërkohë, është njësia elitare e Policisë së Kosovës- FIT, ajo e cila realizoi aksionin.