Klubet e Serie A kanë votuar unanimisht për të ulur pagat e skuadrës së parë deri në një venitim tjetër, si përgjigje për krizën që i ka kapluar shkaku i pandemisë coronavirus.

Lega Serie A zhvilloi një takim urgjent të hënën dhe pas bisedimeve me sindikatën e lojtarëve italianë (AIC), rezultati nuk doli atë që është pritur.

Por edhe përkundër që nuk gjetën gjuhën e përbashkët me AIC, 19 klube të Serie A ranë dakord për të ulur pagat me 1/6 (që i bie se lojtarët do të marrin dy pagesa mujore më pak), vetëm nëse vazhdon sezoni.

E vetmi klubi që nuk votoi ishte Juventusi, duke pasur parasysh që ata tashmë kishin arritur marrëveshje me lojtarët e tyre për shkurtim të pagave.

Në një deklaratë të LEGA Serie A thuhet: “Në përputhje me veprimet që synojnë uljen e kostove të punës si në Itali ashtu edhe jashtë saj, Lega Serie A vendosi sot unanimisht, me përjashtim të Juventusit (që tashmë kanë arritur një marrëveshje me lojtarët e tyre), në një linjë të përbashkët, për të ulur pagat e lojtarëve, trajnerëve dhe stafit tjetër të ekipit të parë”.

“Kjo ndërhyrje, që u pa si e nevojshme për të mbrojtur të ardhmen e të gjithë sistemit italian të futbollit, parashikon një ulje të 1/3 të fitimeve totale vjetore bruto (ose katër pagesa mujore) nëse sezoni nuk mund të rifillohet, dhe një ulje prej 1/6 në totalin e fitimeve vjetore bruto (ose dy pagesa) nëse ndeshjet e mbetura të sezonit 2019-20 mund të luhen gjatë muajve në vazhdim”.

“Kuptohet që klubet do të përcaktojnë marrëveshjet direkt me anëtarët e tyre të stafit”, thuhet në njoftim.