Të shtëna me armë janë dëgjuar mbrëmë në rrugën ” Qerim Pllana” në Prishtinë, raporton Ekonomia Online.

Në vendin e ngjarjes janë gjetur dhe konfiskuara shtatë gëzhoja.

Qytetarët kanë lajmëruar rastin në polici, por personat që dyshohet se kanë gjuajtur me armë janë larguar në drejtim të panjohur.

Policia në raportin 24 orësh njofton se rasti po hetohet dhe nuk ka të lënduar.

Njoftimi i plotë i policisë:

“Rr. Qerim Pllana, Prishtinë  03.05.2019 – 02:40.  Është raportuar se persona të panjohur kanë shtënë me armë zjarri dhe janë larguar në drejtim të panjohur. Në vendin e ngjarjes janë gjetur dhe konfiskuar shtatë gëzhoja.  Nuk raportohet për të lënduar në njerëz ndërsa rasti vazhdon të hetohet nga njësitë relavante”, thuhet në raport.