Më shumë se 10,000 trupa ruse janë kthyer në bazat e përhershme ushtarake pas stërvitjeve njëmujore pranë Ukrainës, njoftoi agjencia e lajmeve Interfax të shtunën, duke cituar ushtrinë ruse.

Interfax tha se stërvitjet u mbajtën në disa rajone pranë Ukrainës, duke përfshirë në Krime, të cilën Rusia e aneksoi në 2014, si dhe në rajonet jugore ruse të Rostovit dhe Kubanit, raporton Reuters, përcjell lajmi.net.

Vendosja e dhjetëra mijëra trupave ruse në veri, lindje dhe jug të Ukrainës kishte nxitur frikën në Kiev dhe kryeqytetet perëndimore se Moska po planifikonte një sulm.

Rusia mohon çdo plan të tillë, duke thënë se ka nevojë për premtime nga Perëndimi – duke përfshirë një premtim nga NATO për të mos zgjeruar aleancën drejt kufijve rusë – sepse siguria e saj kërcënohet nga lidhjet në rritje të Ukrainës me aleancën perëndimore.