Presidenti Donald Trump kishte thënë se mafia “ndodh të jenë njerëz shumë të mirë” në një intervistë të vitit 2013 – por bëri shaka duke shtuar se ai kurrë nuk do të dëshironte t’u ketë borxh atyre.

Në një intervistë të tetorit të vitit 2013 në “Late Show me David Letterman”, Letterman e pyeti Trumpin – i cili ishte akuzuar për bashkëpunim me familjet e krimit – nëse ai ndonjëherë kishte “bërë me vetëdije biznes me krimin e organizuar”.

Trump u përgjigj: “Unë jam përpjekur me të vërtetë të qëndroj larg tyre sa më shumë që të jetë e mundur”.

“Ju e dini, duke u rritur në New York dhe duke bërë biznes në New York, unë do të thosha se mund të kem takuar një nga ata, por në përgjithësi më pëlqen të qëndroj larg nga ai grup”, ka thënë tutje Trump.

Në intervistën e transmetuar tre vjet para se të zgjidhej president, shkruan Business Insider, përcjell Telegrafi, kur ai ishte më i njohur si një biznesmen dhe një yll i televizionit, Trump tha: “Unë kam takuar me raste disa prej atyre njerëzve. Ndodh që janë njerëz shumë të mirë. Ju thjesht nuk duhet t’iu keni para borxh atyre”.

Intervista u zbulua nga gazeta e The Guardian të mërkurën, e cila theksoi se Trump ishte akuzuar së fundmi nga kryetari i Komitetit të Inteligjencës së Dhomës Republikane, Adam Schiff.

Schiff po përshkruante një telefonatë të korrikut midis Trump dhe presidentit të Ukraines Volodymyr Zelensky, në të cilën Trump i kërkoi Zelenskyt të hetonte Joe Biden, ish-nënkryetarin e SHBA-së dhe rivalin e tij zgjedhor.

Ai e bëri këtë pasi vuri në dukje se “ne bëjmë shumë për Ukrainën” dhe Zelensky tha se vendit të tij i duheshin më shumë pajisje mbrojtëse në konfliktin e saj të vazhdueshëm me Rusinë.

Thirrja telefonike ka çuar në fillimin e një hetimi të fajësimit ndaj Trump, për të cilën gjë Trump ka mohuar çdo keqbërje.

Gjithashtu, Trump gjithmonë ka mohuar çdo lidhje me krimin e organizuar.