Kampioni i Kosovës, Ferronikeli, dhe fituesja e Kupës, Prishtina, nuk morën licencën nga UEFA për pjesëmarrje në garat evropiane, përkatësisht në raundet eliminatore të Ligës së Kampionëve dhe Ligës së Evropës, shkruan  Koha Ditore.

Skuadrat nuk plotësuan kriteret bazë për ta fituar të drejtën e daljes në Evropë, pas pranimit të FFK-së në UEFA dhe FIFA gjatë muajit maj.

Megjithatë, të dy klubet përfituan nga UEFA, madje shumë për rrethanat në të cilat ndodhet futbolli në vend.