Serbia e ka respektuar dhe do ta respektojë integritetin territorial të Ukrainës, tha të martën presidenti i Serbisë, Aleksandar Vuçiq, në një konferencë të përbashkët për media me homologun ukrainas, Petro Poroshenko, në Beograd.

Vuçiq e falënderoi Ukrainën për, siç tha, respektimin e integritetit territorial të Serbisë.

“Shpresojmë dhe duam që të gjitha problemet në Ukrainë, të zgjidhen në mënyrë të qetë”, tha Vuçiq.

Poroshenko, në anën tjetër, tha se Ukraina nuk e ka njohur Kosovën dhe se problemi i saj duhet të zgjidhet duke respektuar interesat e Serbisë.

“Mund të konfirmoj se Ukraina dhe Serbia nuk kanë asnjë problem në marrëdhëniet dypalëshe”, tha Poroshenko.