Valon Berisha është tashmë edhe zyrtarisht pjesë e klubit italian të Lazios, që ka konfirmuar transferimin e tij nëpërmjet një komunikate të shpërndarë ditën e sotme.

Mesfushori 25-vjeçar i Kosovës kaloi me sukses të gjitha testet mjekësore dhe firmosi për katër sezone me bardhekaltrit.

Në fjalët e para si futbollist i Lazios, ai shprehu lumturinë e këtij transferimi, ndërsa nuk harroi të falënderojë edhe klubin austriak të Salzburgut, ku edhe shkëlqeu.

“Jam ndjerë shumë mirë te Salzburgu, ku kam fituar shumë trofe dhe kam njohur shumë njerëz fantastikë. Momenti më i bukur ishte kualifikimi në gjysmëfinale të Ligws sw Europws. Kishte ardhur momenti për të hedhur një tjetër hap, ndaj firmosa për Lazio, sepse është pjesë e një prej kampionateve më të mira në Europë”.

“Salzburg, gjithsesi, do të mbetet pjesë e rëndësishme e karrierës sime. Jam shumë i lumtur që kam firmosur për Lazion. Çfarë dite për mua dhe familjen time! Kush do ta kishte besuar se një fëmijë nga një qytet i Norvegjisë (Egersund) do të mbërrinte në një qytet të madh të Italisë (Romë). Ëndrrat u bënë realitet. Po pres me padurim të takoj shokët e mi të rinj. Tani nis një punë e vështirë. Forca Lazio!”.