Partia Demokratike e Kosovës ka vendosur që Ministrinë e Shëndetësisë që llogaritet më e rëndësishmja dhe ka nevojë për reforma rrënjësore për të ofruar shërbime adekuate për qytetarët, t’ia besoj nënkryetarit Uran Ismaili – i shkolluar në Universitetin e Harvardit në Shtetet e Bashkuara të Amerikës, thuhet në një komunikatë të PDK-së.

Nënkryetari i PDK-së, Uran Ismaili që njëherit ka qenë prej vitit 2013 edhe shef i stafit të kryeparlamentarit Kadri Veseli, pas shkuarjes në studime në Harvard ka studiuar në fushën e menaxhmentit dhe administratës publike me profesorët e njohur të këtij universiteti si

Ricardo Hausmann dhe profesorin më të njohur në fushën e konkurueshmërisë, Michael Porter dhe eksperten ndërkombëtare financiare, Laura Alfaro.

Uran Ismaili është bërë pjesë e PDK-së që nga viti 2007 duke mbajtur pozita të rëndësishme në hartimin e programeve partiake, ndërsa ka punuar në shumë projekte të rëndësishme të institucioneve vendore e ndërkombëtare.

Gjatë punëve të deritashme, përpos politikave zhvillimore ai është shquar si iniciator i programeve të ndryshme me USAD-in si dhe duke qenë përfaqësues i Qeverisë në negociata me Bankën Botërore për marrjen e kredisë zhvillimore.