Presidenti i Serbisë, Aleksandar Vuçiq, ka thënë se ditë më parë kanë dërguar 248 kamionë me ndihma në Kosovë, duke shtuar se po bëjnë krejt çfarë po munden dhe se qytetarët nuk kanë mungesë të asnjë produkti.

Vucic, po ashtu, ka shprehur kënaqësinë që në njëfarë mënyre po i mban edhe shqiptarët e Kosovës me miell.

“Unë jam i kënaqur që shqiptarët po marrin miellin tonë”, ka deklaruar ai.

Presidenti serb i ka bërë këto komente, gjatë një vizite që ka zhvilluar sot në qytetin e Novi Pazarit, për të parë nga afër punën që po bëhet në parandalimin e përhapjes së coronavirusit, njoftojë mediat serbe.