Presidenti i Serbisë, Aleksandar Vucic, është i gatshëm të diskutojë tri herë në ditë me përfaqësuesit e Kosovës, nëse është e nevojshme, me qëllim të gjetjes së zgjidhjes përfundimtare.

Pas takimit me Komisionerin Europian, Johanes Hahn, i cili po qënrdon në Beograd, në një konferencë për media, Vucic tha se temë e takimit ishin marrëdhëniet mes Beogradit dhe Prishtinës.

“Shteti ynë është njëri prej faktorëve që dëshiron të ruaj stabilitetin dhe paqen. Nëse është e nevojshme do të diskutojmë tri herë në ditë me Kosovën vetëm për të ruajtur jetën e serbëve që jetojnë në Kosovë dhe Metohi”, është shprehur ai.

Sipas Presidentit serb, Beogradi zyrtar aktualisht nuk ka pozicion të lehtë për të bërë kompromis.

“…por është mirë që pas 10 vitesh negociata të ketë zgjidhje se sa të ketë luftë”.