Presidenti i Serbisë, Aleksandar Vuçiq, ka folur për fotografinë e ambasadorit serb në SHBA, Marko Gjuriq dhe organizatorit të sulmit terrorist në Banjskë, ish-nënkryetarit të Listës Serbe, Milan Radoiçiq.

Vuçiq ka thënë se nuk e ka pyetur Gjuriqin se kur është bërë fotografia, as ku dhe pse.

“Nuk e pyeta kur, ku dhe pse. Nuk e pyeta asgjë nëse është ngritur nga tavolina për të parë Milan Radoiçiqin, për t’u ulur një ose dy minuta apo ka ardhur me të”, tha Vuçiq.

Ai shtoi se këtë e kritikojnë njerëzit që shkojnë te varri i Adem Jasharit, duke menduar për politikanin serb, Nikola Sanduloviq, raporton Nova.

“Tani po sulmojnë Marko Gjuriqin, po i shikoj të gjithë denoncuesit dhe hajdutët e tjerë se si do t’i raportojnë dikujt diku”. Dhe lavdëroni ata që shkojnë te varri i Adem Jasharit, i cili vrau ushtarë dhe policë serbë. Dhe pastaj shkruani se si BIA paralizoi një kriminel (Nikola Sanduloviq). “Gjithçka është kthyer përmbys në këtë vend”, u shpreh Vuçiq.

Vuçiq muajin e kaluar paralajmëroi se Gjuriq do të kthehet në Serbi dhe se do të ketë “një nga postet më të rëndësishme në vend”.

Ndërkaq, NTERPOL ka lëshuar për Milan Radoiçiqin për organizimin e sulmit të armatosur në Banjskë shtator të vitit 2023, ku u vra një polic i Kosovës dhe tre serbë nga grupi i Radoiçiqit.