Gjatë ditës së sotme, në fshatin Ujmir të Klinës, shkollës “Ali Krasniqi” i është thyer një xham.

Në lidhje me këtë rast, Dukagjin Nishiqi nga Demokracia në Veprim, për Klan Kosova tha se sipas të dhënave nga vëzhgues të tyre në terren, rreth orës 04:45 në këtë shkollë është vërejtur një xham i thyer.

Ai tha se ky rast është i izoluar pasi ka ndodhur para hapjes së votimeve, dhe se deri tani nuk kanë vërejtur ndonjë presion dhe se procesi është duke u zhvilluar normalisht në këtë qendër.

Në anën tjetër, menaxheri i kësaj qendre, Alban Bujaj, tha se xhami i thyer nuk ka të bëjë me procesin e votimit, sepse incidenti ka ndodhur para se të hapet qendra e vendvotimit.