KB Ylli është ndeshur me KB Rahovecin në kuadër të gjysmëfinales së Final 8 të Kupës së Kosovës.

Ylli kishte iniciativën për gjatë gjithë ndeshjes dhe në fund edhe rezultati ishte në favorin e tyre, transmeton lajmi.net.

Rahoveci u gjend në disavantazh të thellë, nga i cili nuk mundi të rikuperohej dhe të kthehej në lojë.

Në çerekun e tretë, Ylli avanconte me rezultatin 40-58.

Tek Rahoveci u dallua, Isaiah Taylor me 14 pikë. Tek Ylli, Erjon Kastrati ishte më i miri me 18 pikë. Rezultati përfundimtar, KB Rahoveci 66 – 87 KB Ylli.

Gjysmëfinalja tjetër do jetë ndërmjet Prishtinës dhe KB Prizrenit.