YouTube ka njoftuar se ka pezulluar kanalin e presidentit të SHBA-së, Donald Trump, për shkelje të politikave për nxitje të dhunës, pas sulmit në Kongres javën e kaluar, njofton agjencia Reuters.

Protestuesit pro-Trump ishin futur në Kongres dhunshëm dhe u përleshën me forcat e policisë dhe vandaluan. Pesë persona humbën jetën në dhunën në Kongres.

Platformat online dhe kompanitë e rrjeteve sociale janë duke u distancuar nga Trumpi.

Me pezullimin Trumpit i ndalohet ngarkimi i videove të reja në kanal apo edhe inkuadrimi live për së paku shtatë ditë, ndërsa mund të zgjatet edhe më tej.

Trumpi vet i kishte quajtur gabime katastrofale masat që po marrin platformat online ndaj tij.