Deputeti i Lidhjes Demokratike të Kosovës Armend Zemaj, i ka bërë thirrje Qeverisë së Kosovës që të ulet dhe të bisedojë me grevistët.

Zemaj tha se çdo minutë e humbur nga mësimi do të jetë kosto e lartë për fëmijët dhe shoqërisë.

Ai theksoi se mjaft janë përdorur fëmijët për hesape të populizmit.

“Qeveri, ulu e bisedo me grevistët. Ndale arrogancën. Ndale padëgjueshmërinë. Mos i hasmëro njerëzit. Bëj zgjidhje sa më shpejt. Çdo minutë e humbur nga procesi mësimorë është kosto e lartë për fëmijët dhe shoqërinë. Mjaft më me përdorimin e fëmijëve për hesape të populizmit. Mjaft më! Fëmijët duhet të nisin procesin mësimorë, mësimdhënësve duhet t’u pranohen kërkesat, ndërsa prindërve duhet t’u kthehet normaliteti” – tha Zemaj.