Zendaya ka ndezur thashethemet për fejesën gjatë Golden Globes 2025, kur u pa duke mbajtur një unazë diamanti të shkëlqyer në gishtin e saj të katërt.

28-vjeçarja, e cila ka qenë në një lidhje me Tom Holland që nga viti 2021, shkaktoi spekulime pasi ai nuk ishte prezent në ngjarjen e madhe.

Unaza, e vlerësuar rreth 500,000 dollarë, i tërhoqi të gjithë vëmendjen, duke lënë fansat të mendojnë nëse Holland e kishte bërë pyetjen, shkruan DailyMail.

Një tjetër detaj që ka shkaktuar shumë reagime ishte një tatuazh i vogël i shkronjës “t” pranë majës së kraharorit të saj të majtë, që duket se i referohej Tom-it.

Fansat reaguan me emocion, me një përdorues të Twitter që shkroi: “Zendaya duke treguar një unazë fejese dhe një tatuazh ‘t’ nuk ishte në kartën time të bingos së Globit të Artë, por po më pëlqen”.

Unaza ka ngjallur shumë debate, me disa që e krahasuan me unazën e fejesës së Dakota Johnson, ndërsa të tjerë spekuluan se Zendaya mund të kishte vendosur ta mbante vetëm nëse do të ishte një unazë e vërtetë fejese.

Sipas ekspertëve të bizhuterive, unaza mund të ketë një vlerë të konsiderueshme, duke përfshirë një diamant rreth 5-6 karat dhe një brez ari të thjeshtë.

Një moment tjetër i paharrueshëm ishte kur Zendaya u pa duke treguar unazën gjatë një bisede me producenten Amy Pascal, duke shtuar më tej thashethemet për fejesën. /Telegrafi/