Eksperti i çështjeve të Ballkanit Perëndimor, Edward P. Joseph ka deklaruar se kriza e re në vend, sipas tij, do t’i përkeqësojë edhe më tej marrëdhëniet e Kosovës me ShBA-në dhe Bashkimin Evropian.

Lidhur me “përfundimin e mandatit” të Gjykatës Kushtetuese, analisti Adrian Zeqiri në emisionin “Kosova Today” tha se vendi është duke u futur në një krizë edhe më serioze.

“Shumë shpejt Gjykata Kushtetuese do të mbetet pa kuorum, dhe mandej kush ka me na i zgjidh neve këto mosmarrëveshje? Jemi duke hyrë në një situatë jashtëzakonisht të rrezikshme me potencial për konflikt civil. Jemi duke u futur në një krizë jashtëzakonisht serioze”, tha ai.