Komisioni zgjedhor ka bërë të ditur se deri tani vetëm 10 për qind e qytetarëve kanë marrë pjesë në zgjedhjet për asamble në komunën e re të Tuzit.

Sipas tyre, pjesëmarrja e qytetarëve në zgjedhje pritet të rritet në orët e pasdites, transmeton Klan Kosova.

Pas fitimit të statutit të plotë që Tuzi të jetë Komunë e pavarur nga Podgorica e Malit të Zi, këto janë zgjedhjet e para për asamble.

Shqiptarët të cilët jetojnë atje janë shprehur optimist për këto zgjedhje pasi që janë tre parti shqiptare të cilat janë bërë bashkë.

Koalicioni i formuar quhet ‘Forumi Shqiptar’ dhe ka moton ‘Malësia na Bashkon’.