Mbetjet mortore të edhe një individi janë gjetur dhe zhvarrosur të premten në lokacionin “Përzhinë” të Rahovecit, ka njoftuar Komisioni Qeveritar për Persona të Zhdukur në ditën e tretë të gërmimeve.

Paraprakisht, të enjten ishin gjetur mbetje mortore të një individi, ndërsa në ditën e parë të gërmimeve ishin gjetur dy pjesë kockore.

Dyshimet janë se ato u përkasin viktimave të luftës që ende janë në listën e të zhdukurve. Mbetjet janë dërguar për ekzaminim në Institutin e Mjekësisë Ligjore.