Këshilli Federal ka ulur të premten koston për testimet e Coronavirusit. Kështu, një testim tani kushton 82 franga në vend të 95 sa kushtonte deri dje.

Ndërsa çmimi për testin e antitrupave ka rënë 25 franga nga 39 sa ka qenë deri tani.

Këshilli Federal kishte bërë një ulje të çmimit të testit edhe në muajin maj, transmeton albinfo.ch. Po kështu, që nga fundi i qershorit, shumica e njerëzve në Zvicër nuk duhet të paguajnë më nga xhepi i tyre për të bërë testin.

Në atë kohë, Ministri i Shëndetësisë Alain Berset kishte deklaruar se askush nuk duhet të mbetej pa u testuar për arsye financiare, përcjell albinfo.ch. Prandaj, Qeveria Federale do të paguante për testet që nga ai moment.

Ndryshe, Qeveria Federale paguan vetëm për testet që bëhen të mbështetura në indikacione mjekësore. Kjo do të thotë që testi bëhet vetëm kur një mjek gjykon se testimi është i nevojshëm.

Punëdhënësit që testojnë punonjësit e tyre vetëm sa për të qenë të sigurt për gjendjen e tyre duhet të paguajnë për këtë nga xhepi i tyre.