Shefi i Zyrës së Bashkimit Evropian në Kosovë, Tomas Szunyog, ka përshëndetur vendimin e Komisionit Qendror të Zgjedhjeve (KQZ) për të caktuar datën për votimin për shkarkim të kryetarëve në katër komunat veriore.

“Vlerësojmë procesin e verifikimit të nënshkrimeve nga KQZ-ja dhe vendimin e tyre për të caktuar datën për votim për shkarkimin e kryetarëve të Komunave”, ka shkruar Szunyog, në platformën X.

Szunyog është shprehur se i mbetet KQZ-së të përgatitet për të krijuar kushte për votim të lirë e të drejtë.

“Tani është thelbësore që KQZ-ja të bëjë përgatitjet e nevojshme për të siguruar proces të qetë dhe të krijojë kushte për votim të lirë dhe të drejtë”.

“BE-ja është e gatshme të ofrojë mbështetje përgjatë këtij procesi”, ka shtuar ai.

Appreciate @KQZKosova's thorough verification process of signatures & their decision to schedule the recall vote for the removal of mayors.

It's now crucial for CEC to make necessary preparations to ensure a smooth process & to create conditions for free and fair voting.

— Ambassador Tomáš Szunyog (@EUAmbKS) March 8, 2024