Instituti Demokratik i Kosovës (KDI) dhe Transparency International organizuan një takim rajonal në Shkup në bashkëpunim me degët e Transparency International në Bosnjë dhe Hercegovinë, Maqedoninë e Veriut, Serbi dhe Turqi.

Takimi u fokusua në integritetin politik, përfshirë praktikat e deklarimit të pasurisë, financat politike dhe mbrojtjen e kontraktimeve publike nga ndikimet e padrejta.

Pjesëmarrësit u dakorduan për prioritetet, duke përfshirë forcimin e kornizave ligjore dhe riorganizimin e agjencive qeveritare për të përmirësuar mbikëqyrjen e të dhënave nga zyrtarët publikë dhe partitë politike.

Po ashtu, u diskutua për promovimin e të dhënave të hapura dhe përdorimin e platformës Integrity Watch për forcimin e integritetit politik në rajon.

Ky aktivitet është mbështetur nga Bashkimi Evropian dhe është pjesë e projektit “Integrity Watch in the Western Balkans and Turkey.”