Kandidatja për deputete nga Lidhja Demokratike e Kosovës, Doarsa Kica-Xhelili e cila ishte njëra nga më të votuarat në Kosovë e diasporë nga rradhët e LDK-së, i ka reaguar ashpër Lëvizjes Vetëvendosje, pasi kjo e fundit po kërkon anulimin e votave të diasporës e rivotim të plotë për votat me postë.Kica-Xhelili e ka quajtur mendësi kriminale dhe sulm ndaj demokracisë, duke shtuar se po dëshirtojnë dhunshëm t’i bëjnë 51 mandate. Ajo ka shtuar se nëse VV do betejë, atë do ta ketë.

E plotë:

Gati 2000 fletëvotime u gjetën PA një parti të listuar, me defekt, kushedi ku të printuara. TË GJITHA me votë për VV!!!

80% e votave të konsulatave ku ASKUSH nuk e di kush e si i ka ruajtur ato vota, i mori LVV. Disproporcion TOTAL me votat në Kosovë.

Dhjetëra raste me dyshime për trenin bullgar, ASNJË fjalë nga VV.

Por ama qe 5 ditë zhurmojnë për LDK-në. Bëjnë analiza se kush sa vota mori BRENDA LDK-së; thuajse u shqetësokan SHUMË këta për ne.

Këta duan t’i marrin 51 mandate përmes manipulimit – si gjithçka tjetër! KJO është strategjia. Kjo është logjika. Kjo është forma e të menduarit kriminal.

Ky është sulmi i radhës që VV ia bën demokracisë. TIPIKE!

Nuk do t’i lëmë! Nëse duan betejë, betejë do të kenë!