Deputeti i zgjedhur në Kuvendin e Kosovës, Artan Behrami, duke folur për Gjykatën Speciale, tha se ky institucion që supozohet të jetë me mision drejtësi “ka tradhtuar besimin” e shtetit kosovar, i cili “ia dha të gjitha”.

“Gjykatës Speciale Kosova i ka dhënë gjithçka: i ka dhënë ligjin, kompetencat, i kemi dhënë Gjykatën Kushtetuese, ombuspersonin – pra në mirëbesim ia kemi dhënë shtetin e Kosovës”, tha ai për Blic.

“Dhe ajo e ka keqpërdor skajshëm këtë gatishmëri të Kosovës, këtë mirëbesim që Kosova ka pas në drejtësi ndërkombëtare dhe evropiane.

Ajo gjykatë është bërë për të trajtuar pretendimet e Dick Marty-it, dhe nuk është marrë; në këtë mënyrë ka tradhtuar besiminë që deputet e Kosovës ja kanë dhënë”, shtoi Behrami.