Oda Ekonomike e Kosovës do të mbajë sot nga ora 12:00 një konferencë për media, pas protestës së mbajtur të premten nga komuniteti i bizneseve kundër vendimit të Zyrës së Rregullatorit për Energji (ZRrE) për liberalizimin e tregut të energjisë.

Protesta e 29 majit, e cila bllokoi rrugët kryesore të kryeqytetit, u organizua nga Oda Ekonomike në bashkëpunim me odat e tjera dhe përfaqësues të shumtë të sektorit privat. Gjatë saj, u paralajmërua për masa të mëtejshme nëse kërkesat e bizneseve nuk merren parasysh.

Në konferencën e sotme pritet të prezantohen hapat e ardhshëm të komunitetit të biznesit dhe qëndrimi i tyre lidhur me vendimin e ZRrE-së.