Administrata Trump ka thënë se Universiteti i Harvardit shkeli ligjet e të drejtave civile për shkak të trajtimit të studentëve izraelitë dhe hebrenj, duke rrezikuar potencialisht më tej financimin e tij federal.

Në një letër dërguar Harvardit, administrata akuzoi universitetin për indiferencë të qëllimshme ndaj shqetësimeve të studentëve hebrenj që ndiheshin të kërcënuar në kampua, shkruan BBC, transmeton Klankosova.tv.

Ky veprim është i fundit në një seri betejash ligjore dhe financiare midis Harvardit dhe Shtëpisë së Bardhë – rreziqet e të cilave janë përshkallëzuar në mënyrë dramatike gjatë muajve të fundit.

Letra – e parë nga BBC – thotë se “dështimi për të zbatuar ndryshime të përshtatshme menjëherë do të rezultojë në humbjen e të gjitha burimeve financiare federale” për Harvardin.