Ambasadori i Bashkimit Evropian në Kosovë, Aivo Orav është pritur në takim nga kryetarja e Kuvendit të Kosovës, Albulena Haxhiu ku thuhet se përtej ratifikimit të marrëveshjeve të Planit të Rritjes, ndër prioritet kryesore duhet të jetë Kodi Civil, reforma në gjyqësor, KPM, RTK dhe SEPA/

“Ambasadori i BE-së në Kosovë, Aivo Orav, pati kënaqësinë të takohej sot me Kryetaren e re të Kuvendit, Albulena Haxhiu. Përtej ratifikimit të marrëveshjeve të Planit të Rritjes, ai theksoi prioritetet kryesore legjislative – Kodin Civil, KPM-në, RTK-në, SEPA-n, reformën gjyqësore dhe ligjet e paketës së energjisë – si pjesë e reformave që e çojnë përpara Kosovën në rrugën e saj evropiane!”, thuhet në njoftimin e zyrës së BE.