Forcat ajrore dhe tokësore të Komandës Rajonale-Veri (RC-E) të misionit të NATO-s në Kosovë, KFOR, zhvilluan trajnim për transport me litar (“sling-load”) së bashku me Forcat e Armatosura të Zvicrës në Kampin Novo Selo.

Në njoftimin e KFOR-it potencohet se trajnimi ka për qëllim përmirësimin e aftësisë për të transportuar në mënyrë të sigurt pajisje dhe për të mbajtur operacione në rajon.

“Përmes këtyre aktiviteteve, të përqendruara në ndërveprimin ndërmjet forcave aleate dhe transportin e shpejtë e të sigurt të furnizimeve kritike, personeli i KFOR-it ruan vetëdijen për situatën, duke reflektuar angazhimin e vazhdueshëm të KFOR-it për sigurimin e një ambienti të sigurt për të gjithë njerëzit që jetojnë në Kosovë”, thuhet në njoftim. 

KFOR rithekson se vazhdon të zbatojë mandatin e tij – bazuar në Rezolutën e Këshillit të Sigurimit të OKB-së, për të kontribuar në një ambient të sigurt për të gjithë njerëzit që jetojnë në Kosovë dhe për lirinë e lëvizjes, në çdo kohë dhe në mënyrë të paanshme.