Papa Leo shënoi të dielën Ditën Botërore të Lirisë së Shtypit duke dënuar shkeljet e vazhdueshme të lirisë së medias në të gjithë botën dhe duke i bërë homazh gazetarëve të vrarë gjatë raportimit nga zonat e konfliktit.

Duke folur në fund të lutjes së tij javore të së dielës, në Sheshin e Shën Pjetrit të mbushur me diell, Papa tha se kjo ditë nxori në pah si rëndësinë e gazetarisë së pavarur, ashtu edhe kërcënimet në rritje me të cilat përballen gazetarët, shkruan Reuters, transmeton Klankosova.tv.

“Sot festojmë Ditën Botërore të Lirisë së Shtypit… për fat të keq, kjo e drejtë shpesh shkelet, ndonjëherë në mënyra të hapura, ndonjëherë në forma më të fshehura”, tha ai.

Papa u bëri thirrje besimtarëve të kujtojnë gazetarët dhe reporterët që kanë humbur jetën duke kërkuar të vërtetën, veçanërisht në zonat e prekura nga konfliktet.