Kandidati për deputet nga radhët e Mentor Ismaili dhe Partia Demokratike e Kosovës (PDK), ka zhvilluar një takim me aktivistë dhe përkrahës nga Shala, Krojmir, Baicë dhe Resinoc, ku është përcjellë mesazhi për ndryshim politik dhe mobilizim qytetar.

Ismaili vlerësoi rolin historik të Shalës dhe zonave përreth në periudhat vendimtare të historisë së Kosovës, duke theksuar kontributin e tyre në rezistencën dhe luftën çlirimtare. Sipas tij, kjo trevë ka qenë një ndër pikat kyçe të veprimtarisë së Ushtria Çlirimtare e Kosovës dhe e proceseve që çuan drejt lirisë së vendit.

“Shala nuk është vetëm një trevë e lavdishme e Lipjanit. Ajo është një nga gurthemelet e historisë sonë më të re kombëtare. Kjo tokë heroike ishte portë e rezistencës dhe rrugë e triumfit të Ushtrisë Çlirimtare të Kosovës. Pikërisht nga këto anë nisi udhëtimi historik drejt Rambujesë, ku u vulos rruga e lirisë dhe fitores së Kosovës”, shkroi Ismaili në facebook.

Ai rikujtoi gjithashtu rëndësinë e zonës së Kleçkës në organizimin e luftës dhe përmendi figurat politike e ushtarake që, sipas tij, kanë luajtur rol të rëndësishëm në rrugëtimin e Kosovës drejt çlirimit dhe shtetndërtimit, përfshirë Hashim Thaçi dhe Kadri Veseli.

Takimi u zhvillua në kuadër të aktiviteteve elektorale të PDK-së, me fokus mobilizimin e strukturave dhe prezantimin e vizionit politik të partisë për zhvillimin e Kosovës.