Sezoni i ri kinematografik sjell rikthimin e disa prej personazheve më të njohur të ekranit të madh.

Nga “Supergirl” te “The Death of Robin Hood” dhe ribërja e filmit “Moana” (i njohur në disa vende evropiane si “Vaiana”), studiot po investojnë sërish te historitë ikonike.

Në qendër të vëmendjes është aktorja Milly Alcock, e cila interpreton rolin kryesor në filmin “Supergirl”.

Filmi paraqitet më shumë si një aventurë epike në hapësirë sesa si një film klasik me superheronj.

Produksioni prezanton gjithashtu personazhin e shumëpritur Lobo, një gjahtar shpërblimesh, i interpretuar nga Jason Momoa.

Ndërkohë, Hugh Jackman vjen me një version krejt ndryshe të legjendës së Robin Hood-it në filmin “The Death of Robin Hood”. Kjo histori është më e errët dhe dramatike, duke u kthyer te origjina mesjetare e personazhit, i cili paraqitet jo si hero romantik, por si një i jashtëligjshëm i frikshëm.

Edhe Dwayne Johnson rikthehet në ekran me versionin artistik me aktorë të filmit të animuar “Moana/Vaiana”, një nga projektet më të pritura familjare të vitit.

Në të njëjtën kohë, regjisori Quentin Tarantino publikon versionin e plotë të Kill Bill; “The Whole Bloody Affair”, me kohëzgjatje rreth katër orë e gjysmë, i montuar sipas vizionit të tij origjinal.

Këto premiera tregojnë se superheronjtë dhe personazhet legjendarë vazhdojnë të mbeten një nga shtyllat kryesore të industrisë së filmit, duke sjellë interpretime të reja dhe qasje më të errëta apo më epike për publikun në mbarë botën./Atsh/