Megjithëse është dukshëm inferior ndaj SHBA-së në aspektin ushtarak, Irani po arrin të sigurojë njëfarë avantazhi strategjik ndaj kundërshtarit të tij, shkruan BBC.

Po e bën këtë duke e kthyer edhe një herë Ngushticën e Hormuzit në një vend të rrezikshëm për kalim – përveç nëse anijet u përmbahen rregullave të reja të vendosura prej tij dhe lundrojnë përgjatë rrugës veriore, ku do t’i nënshtrohen inspektimit dhe mund të detyrohen të paguajnë edhe një tarifë.

Në të njëjtën kohë, Irani po u shkakton goditje të përnatshme aleatëve arabë të Amerikës në rajon për shkak se strehojnë bazat ushtarake amerikane. Irani duket se nuk ka mungesë dronësh dhe raketash për t’i përdorur kundër tyre.

Një bllokadë e re detare amerikane do ta dëmtojë ekonominë iraniane, e cila tashmë po përballet me vështirësi.

Por Irani e di se një ngushticë e paralizuar do të ndikojë edhe në pjesën tjetër të botës, duke shkaktuar rritje të çmimeve të naftës, si dhe duke ndikuar në fatin politik të Donald Trumpit në zgjedhjet afatmesme, që mbahen pas më pak se katër muajsh.