Sipas njoftimit, që nga orët e hershme të së dielës, EULEX-i ka shtuar patrullat e Njësisë Policore të Specializuar në afërsi të pikave kryesore të kalimit, me qëllim të monitorimit të situatës së sigurisë në terren.

Ky aktivitet po zhvillohet në koordinim me Policinë e Kosovës dhe misionin e KFOR-it, të udhëhequr nga NATO-ja, në kuadër të mekanizmit tre-nivelësh të reagimit të sigurisë.

Prania e shtuar e patrullave synon të mundësojë përcjelljen e situatës në terren dhe koordinimin ndërmjet mekanizmave përkatës të sigurisë gjatë procesit zgjedhor në Serbi.