Kryetari i Lidhjes Demokratike të Kosovës, Lumir Abdixhiku, ka thënë se qytetarët herët apo vonë do ta kuptojnë se janë mashtruar nga Qeveria Kurti.

Kjo deklaratë e tij vjen për Klankosova.tv kur u pyet rreth vendimit të ekzekutivit për zbatimin e vendimit të Gjykatës Kushtetuese për Manastirin e Deçanit.

“Vendimet dhe opinionet e Gjykatës Kushtetuese janë të detyrueshme për zbatim; ato nuk mund te kontestohen. Por ndërtimit të kauzave te rrejshme me qellim ardhjen ne pushtet, i thonë mashtrim!”

“Fatkeqësisht, populli i Kosovës ka qenë subjekt i mashtrimit popullist, perdja e te cilit ra – edhe nje here – lehtësisht. Ky mashtrim dikur nxiste përplasje, përçarje e tension kombëtar, duke mbajtur peng jo vetëm fatin tonë euroatlantik por dhe duke treguar papërgjegjësi nacionale”.

“Kauzat e rrejshme mbesin gjithnjë të dëmshme. Siç është e dëmshme dhe kjo qeverisje pa rezultate, pa parime, përplot propagande e mashtrim! Heret apo vone, qytetaret do ta kuptojnë se janë mashtruar ne çdo qëndrim! Le te përpiqemi sa me herët para se te behet vone”, ka thënë Abdixhiku.