Kryetari, Shpend Ahmeti dhe kryetari i Grupit Parlamentar të Partisë Socialdemokrate, Dardan Sejdiu, kanë pritur sot në Prishtinë drejtorin e Bankës Botërore për Kosovën, Marco Mantonvanelli.

Gjatë takimit, ku është diskutuar për çështjet me rëndësi socio-ekonomike dhe energjetike, Shpend Ahmeti dhe Dardan Sejdiu kanë shprehur qëndrimet e Partisë Socialdemokrate, në lidhje me buxhetin dhe me arsyet e kundërshtimit të projektit “Kosova e Re/Countour Global”.

Zyrtarët e Partisë Socialdemokrate paraqiten gjithashtu propozimin e tyre gjithëpërfshirës për reformën pensionale.