Një aksident i rëndë trafiku ka ndodhur sot në mesditë në fshatin Stupë të Klinës, ku një veturë është përplasur me një tren udhëtarësh dhe ka rezultuar me lëndimin e katër personave.

Lajmin e ka konfirmuar zëdhënësi i Policisë për rajonin e Pejës, Driton Rugova, i cili bëri të ditur se njësitet policore kanë dalë menjëherë në vendin e ngjarjes për të hetuar rastin.

“Sot rreth orës 12:35, Policia është njoftuar për një aksident që ka ndodhur në fshatin Stupë-Klinë, mes një veture dhe trenit të udhëtarëve. Si pasojë e këtij aksidenti, katër persona kanë pësuar lëndime trupore”, deklaroi Rugova.