Aksident në autostradën “Ibrahim Rugova”, përfshihen tri automjete një lëndohet

Një aksident trafiku ka ndodhur sot rreth orës 14:10 në autostradën “Ibrahim Rugova”, në drejtimin Suharekë-Duhël.

Sipas zëdhënësit të Policisë së Kosovës, Bajram Krasniqi, në aksident janë përfshirë tri automjete dhe si pasojë, një person ka kërkuar ndihmë mjekësore.

Policia ka dalë në vendin e ngjarjes dhe është duke u marrë me procedurat hetimore.

“Rreth orës 14:10 policia është njoftuar për një aksident trafiku të ndodhur në autostradë drejtimi Suharekë-Duhël, në aksident janë përfshirë tri automjete, si pasojë e aksidentit një person ka kërkuar ndihmë mjekësore. Policia është marrë me procedurat në vend ngjarje”, tha Krasniqi.