Me rastin e 28 Nëntorit- Ditës së Flamurit në Komunën e Klinës janë mbajtur aktivitete të shumta kulturo-artistike dhe sportive.

Të hënën para ambientet e Komunës së Klinës është ngritur flamuri kombëtar nën intonimin e himnit kombëtar ndërsa me pas janë bërë homazhe dhe vendosur kurora lulesh të shtatorja e komandantit Mujë Krasniqi- Kapuçi dhe të varrezat e dëshmoreve të “ Kodra e Kuqe”.

Është mbajtur edhe seancë solemne në të cilën është thënë se kjo është ndër festat me të mëdha kombëtare të popullit shqiptar. Kanë folur kryesuesi i Kuvendit të Komunës Haxhi Ibishi dhe nënkryetari i Komunës Enver Berisha, sipas të cilëve në ketë ditë kujtojmë edhe daljen publike të Ushtrisë Çlirimtare të Kosovës dhe datëlindjen e komandantit të UÇK-së Adem Jashari.

Aktivitetet kanë nisur ditën e premte me lojna sportive. Çmimi i madh i edicionit të dytë të ekspozitës “ArtKlina 2016” e ka marrë piktorja nga Klina, Sanije T. Dreshaj-Zenunaj.

Janë zhvilluar edhe finalet në futboll në konkurrencën e femrave dhe meshkujve. Aktivitetet janë organizuar nga Drejtoria për Kulturë, Rini dhe Sport nën përkujdesjen e kryetarit të Komunës së Klinës, Sokol Bashota.